कात्तिक ३० ।  एएफसी सोलिडारिटी कप फुटबल प्रतियोगिताको उपाधिका लागि नेपाल र मकाउसँगको खेलमा नेपालले २९ मिनेटमा पहिलो गोल गर्न सफल भएको छ । सुजल श्रेष्टले पहिलो गोल गरेका हुन् । मलेसियाको कुचिङस्थित सारावक स्टेडियममा नेपाली समयानुसार मङ्गलबार साँझ ५ः१५ बजे नेपालले विजय लक्ष्यका साथ मकाउको सामना गर्ने भएको हो । सात राष्ट्र सहभागी उक्त प्रतियोगितामा नेपाल र मकाउ अपराजित रहँदै फाइनलमा प्रवेश गरेका हुन् । शनिबार भएको सेमिफाइनलमा नेपालले लाओसलाई पेनाल्टी सुटआउटमा ३–० गोलअन्तरले पराजित गर्दै फाइनल यात्रा तय गरेको हो । यता मकाउले भने बु्रनाईलाई पेनाल्टी सुटआउटमा ४–३ गोलअन्तरले हराउँदै फाइनलमा नेपालसँगको भेट पक्का गरेको थियो ।