उपाधि जितेपछि विमल घर्तीमगरले मन छुने गरी यस्तो स्टाटस लेखे
मंसिर १ । नेपाली फुटबल टिमका स्ट्राइकर विमल घर्तीमगरले एएफसी सोलिडारिटी कप –२०१६ को उपाधि जितेपछि सामाजिक सञ्जालमा गम्भीर स्टाटस पोस्ट गरेका छन् ।
उनले आफूभन्दा अगाडि टिम हुने र टिम भन्दा अगाडि यो राष्ट्र हुने उल्लेख गर्दै लेखेका छन्, ‘यो जित सम्पूर्ण नेपालीहरुको हो । यो जित बहिनी, बाबा र विनाशकारी भूकम्पमा हामीबाट टाढा भएकाहरु प्रति समर्पण गर्न चाहन्छु ।’
नेपाली फुटबल प्रेमीहरुका स्टार खेलाडी विमलले सोलिडारिटी कपमा पनि प्रभावशाली खेल प्रस्तुत गरे ।
नेपालले योसँगै यस वर्ष लगातार तीन उपाधिमा कब्जा जमाएको छ । यसअघि बंगलादेशमा बंगबन्धु कप, भारतमा सार्क च्याम्पियनसिप जितेको थियो ।
