एजेन्सी — नेपाली सिनेमा जगतमा नायिकाहरु एक पछि अर्को गर्दै हराउने क्रम जारी नै छ । कुनैबेलो एकक्षत्र राज गरेका नायिकाहरु जल शाह, अरुणिमा लम्सालजस्ता नायिकाहरु विदेश पलायन हुनुको साथै एकाएक फिल्मी दुनियाँबाट हराएर गए । त्यस्तै फिल्मजगतबाट टाढा रहेकी निरुता सिंहको हालै एक समाचार बाहिरिएको छ । मिडियाले गरेको फिल्ममा कहिले फर्किनुहुन्छ भन्ने प्रश्नमा उनले भनिन्, ‘मेरो कमब्याक हुन ब सानोतिनो रोलले हुँदैन ।’

हाल मुम्बाईमा बस्दै आएकी निरुता अहिले मुम्बाईमा इन्टेरियर डिजाइनिङमा व्यस्त छिन् । पछिल्लो समय पुराना कलाकार जस्तै विराज भट्टले फिल्ममा कमब्याक गरेसँगै निरुता पनि पुरानो कलाकार भएको नाताले कमब्याक गर्ने हो कि भन्ने खु्ल्दुली धेरैलाई भएको छ । दर्शकको यो खुल्दुलीलाई चिर्दै निरुताले महत्वपूर्ण र चाखलाग्दो भूमिकाको अफर आएमा फिल्म खेल्न पछि नहट्ने बताइन् । आफू पुनः चलचित्रमा आउँदा सामान्य रोल हुन नहुने र महत्वपूर्ण भूमिका हुनुपर्ने निरुताले बताइन् । छोटो नै भएपनि राम्रो रोल हुनुपर्ने निरुताले चाहना हो ।