एजेन्सी — ब्लकबस्टर चलचित्र सुल्तानका निर्देशक अलि अब्बास जाफरको निर्देशनमा बन्न लागेको चलचित्र ‘टाइगर जिन्दा है’ मा अभिनेत्री कट्रिना कैफले नकारात्मक भूमिका निर्वाह गर्ने भएकी छिन् ।

अभिनेता सलमान खान र कट्रिना कैफको पर्दा भित्र र बाहिरको जोडीलाई दर्शकले सार्वधिक मन पराए । अब भने कट्रिनाले सलमानको विरुद्धमा गएर अभिनय गर्दा कस्तो हुने होला भन्ने कौतहुलता दर्शकमाझ छाएको छ ।

फिल्म ‘टाइगर जिन्दा है’ सन् २०१२ को हिट फिल्म ‘एक था टाइगर’ को सिक्वेल हो । फिल्ममा सलमान र कट्रिनालाई अभिनय गराइने समाचार पहिल्यै आएपनि कस्तो भूमिका निर्वाह गर्दै छन् भन्ने कुरा सार्वजनिक भएको थिएन ।

फिल्मका निर्देशक अलि अब्बास जाफरले फिल्मको बारेमा बोल्दै एक भारतरीय मिडियासँग उक्त कुरा खुलाए । फिल्म हालै भइरहेको वर्तमान भारतीय राजनीतिको सेरोफेरोमा रहेर बन्ने जानकारी निर्देशक जाफरले दिए ।

कहिल्यै नकारात्मक भूमिका निर्वाह नगरेकी कट्रिना उक्त फिल्ममा पूर्ण रुपमा नकारात्मक भूमिका निवार्ह गर्दै छिन् । फिल्म सन् २०१७ को क्रिसमसमा रिलिज हुने बताइएको छ ।