बलात्कारको आरोपमा एकजना पक्राउ
मंसिर १० । बलात्कारकोे आरोपमा भोजपुरको दक्षिणी गाविस थिदिङ्खा–२ मा एकजना पक्राउ परेका छन् ।
मानसिक अवस्थासमेत ठीक नभएकी महिलालाई यही मंसिर ५ गते जबर्जस्ती करणी गरेको आरोपमा जिल्लाको दक्षिणी क्षेत्रको थिदिङ्खा–२ का ४६ वर्षीय चुप्पे भनिने सांगे शेर्पालाई प्रहरीले बिहीबार पक्राउ गरी अनुसन्धान गरिरहेको जिल्ला प्रहरी कार्यालयले जनाएको छ ।
महिलालाई घरमा चटपटे खान जाऊँ भन्दै जबर्जस्ती करणी गरेको पीडित परिवारको आरोप छ । शेर्पाले करणी गरेपछि पीडितले घर पुगेर अभिभावकलाई खबर गरेकी थिइन् ।
