एजेन्सी — बलिउड अभिनेता शाहरख खान र अभिनेत्री आलिया भट्ट अभिनित चलचित्र ‘डियर जिन्दगी’ ले उल्लेख्य व्यापार गरेको छ । शुक्रवारदेखि प्रर्दशनमा आएको उक्त फिल्मले दुई दिनमा २० करोडको व्यापार गरिसकेको छ । भारत बाहिरका ६ सय हलमा यो फिल्म रिलिज भएको छ भने अमेरिका र दुबाईमा पनि फिल्मको व्यापार उच्च देखिन्छ । भारतका सिनेमा हलबाट मात्र फिल्मले दुई दिनमा २० करोडको व्यापार गरेको हो । फिल्म भारतका मुख्य शहरलाई लिएर १२ वटा हलमामात्र पदर्शन गरिएको थियो । दुई दिनमा नै २० करोड कमाएको उक्त फिल्मले आफ्नो लगानी उठाउन अब १३ करोडमात्र कमाए पुग्ने अनुमान लगाइएको छ । उक्त चलचित्रले शुक्रवार ८.७५ करोडको वयापार गरेको थियो भने शनिवार ११.२५ करोड व्यापार गर्यो । धर्मा प्रोडक्सनको ब्यानरमा बनेको उक्त फिल्मलाई निर्देशक गौरी सिन्धेले निर्देशन गरेकी हुन् । फिल्ममा अभिनेत्री आलिया भट्टको मुख्य भूमिका छ भने शाहरुख खानको विशेष भूमिका रहेको छ ।