एजेन्सी — बलिउडका चर्चित अभिनेता ऋतिक रोशन विश्वकै तेस्रो ह्यान्डसम अनुहारको सूचिमा परेका छन् । ग्लोबल अनलाइन सर्भेले निकालेको सूचिमा पहिलो नंबरमा हलिउड अभिनेता टम क्रुज र रोर्बट पाटिन्सन पछि ऋतिक तेस्रो नंबरमा परेका हुन् ।

संसारकै ह्यान्डसम अनुहारको तेस्रो उपाधि पाएपछि कस्तो अनुभव भयो भन्ने मिडियाको प्रश्नमा उनले यो एउटा प्रशंसाबाहेक अरु केही नभएको बताए ।

उक्त उपाधि पाउँदा आफूलाई गौरवान्वित महशुस भएको तर यो कुनै उपलब्धि नभएको उनले जानकारी दिए । उनले आफ्ना छोराहरुलाई पनि अरुले गरेको कदर र प्रशंसाको सम्मान गर्न सिकाउने गरेको बताए । संसारकै ह्यान्डसम अनुसारको सूचिमा अभिनेता सलमान खान पनि सातौँ नंबरमा परेका छन् ।