केसीको जीवन जोगाउन डिनलाई राजीनामा गराउने प्रयासमा गगन थापा
१७ दिन देखि अनशनरत डा. गोविन्द केसीका प्रतिनिधिसँग वार्तामा रहेको सरकारी टोलीले चिकित्साशास्त्र अध्ययन संस्थान (आइओएम) का डिन डा. केशवप्रसाद सिंहलाई राजीनामा गर्न आग्रह गर्ने भएको छ ।
प्रधानमन्त्री पुष्पकमल दाहालले सिंहलाई हटाएर वरिष्ठताका आधारमा डा. जगदिशप्रसाद अग्रवाललाई डिन नियुक्त गर्न निर्देशन दिएपछि वार्ता टोलीले सिंहलाई राजीनामा दिन आग्रह गर्ने भएको स्रोतले जनाएको छ । वार्ता टोलीले डा. सिंहलाई भेटे राजीनामा गर्न आग्रह गर्ने भएको हो ।
उनले राजीनामा गर्न नमाने बर्खास्त गर्ने तयारी सरकारले गरेको छ स्रोतको भनाइ छ । स्वास्थ्य मन्त्री गगन थापाले आइतबारको मन्त्रिपरिषद् बैठकमा डिन सिंहलाई राजीनामा गर्न लगाई डा. केसीको माग पुरा गर्न प्रधानमन्त्रीलाई आग्रह गरेका थिए ।
डा. केसीको माग बमोजिम त्रिविका उपकुलपति तिर्थ खनियाँको बर्खास्तका लागि एउटा समिति गठन गर्ने तयरीसमेत भएको छ । डिनको राजीनामाको विषयमा निष्कर्षपछि डा. केसीका प्रतिनिधिसँग सरकारी टोलीले पुनः वार्ता गर्नेछ । केसीका अन्य मागबारे भने केसीका प्रतिनिधि र सरकारी वार्ता टोलीबीच यसअघि नै सहमति भइसकेको छ ।
Akhukhola Hydro power Dr. Gobinda Kc
