मंसिर–१७ । गएको मंगलबार भएकाे विमान दुर्घटनामा ज्यान गुमाएका ब्राजिलको फुटबल क्लब च्यापाकोएन्सका मृतक खेलाडीको सम्झनामा शुक्रबार दशरथ रंगशालामा दिप प्रज्वलन कार्यक्रम गरिएको छ । खेलकुद पत्रकार मञ्चको आयोजनामा दशरथ रंगशालामा भएको कार्यक्रममा मृत्यु भएका एकहत्तर जनाको सम्झनामा एकहत्तर वटा मैनबत्ति प्रज्वलन गरिएकाे थियो । कार्यक्रममा खेलाडी, पत्रकार लगायतको उपस्थीती रहेको थियो । गत बुधबार यो टोलीले एउटा नयाँ इतिहास रच्ने धुनमा बोलिभियाको सान्ताक्रुजबाट कोलम्बियाका लागि उडेको यस टिमको सपना कोलम्बियामा भएको विमान दुर्घटनामा चकनाचुर भएको थियो । च्यापाकोएन्सले बुधबार कोपा सुडअमेरिकाना प्रतियोगिताको फाइनलमा खेल्न लागेको थियो । दक्षिण अमेरिकामा खेलाइने यो प्रतियोगिता युरोपमा खेलाइने युरोपा लिगजस्तै हो । कोलम्बियाको मेडेलिन सहरमा त्यहाँको एथ्लेटिको न्यासिनोलसँग फाइनल खेलको पहिलो लिग खेल्नका लागि टोली चार्टर गरेको विमानमा थियो । रासस

dasharath stadium