मंसिर–१८ । इएफएल कपको सेमिफाइनलको तालिका सार्वजनिक गरिएको छ । स्काई स्पोर्टसबाट प्रत्यक्ष प्रसारण गर्दै शुक्रबार ४ खेलको तालिका इएफएलले सार्वजनिक गरेको हो ।

तालिका अनुसार म्यानचेस्टर युनाइटेड र हल सिटीबीच तथा लिभरपुल र साउथह्याम्पटनबीच प्रतिस्पर्धा हुनेछ । सेमिफाइनलको पहिलो खेल युनाइटेडको घरेलु मैदान ओल्ड ट्राफोर्डमा म्यानचेस्टर युनाइटेड र हल सिटीबीच १० जनवरीमा हुनेछ । त्यस्तै लिभरपुल र साउथह्याम्पटनबीचको खेल ११ जनवरीमा हुनेछ । खेल दुवै टिमको घरेलु मैदानमा हुनेछ ।

सेमिफाइनलको लागि सार्वजनिक गरेको तालिका यस प्रकार छ ।

–१० जनवरी, २०१७ म्यानचेस्टर युनाइटेड र हल सिटी (युनाइटेडको मैदानमा) –११ जनवरी, २०१७ साउथह्याम्पटन र लिभरपुल (साउथह्याम्पटनको मैदानमा) –२५ जनवरी, २०१७ लिभरपुल र साउथह्याम्पटन (लिभरपुलको मैदानमा) –२६ जनवरी, २०१७ हल सिटी र म्यानचेस्टर युनाइटेड (सिटीको मैदानमा)