मंसिर–२० । इंग्लिस प्रिमियर लिग अन्तर्गत आइतबार राति भएको खेलमा म्यानचेस्टर युनाइटेड र एभर्टनले बराबरी खेल खेलेका छन् ।एभर्टनको घरेलु मैदानमा टोलीले १–१ गोलको बराबरी खेलेका हुन् । म्यानचेस्टर युनाइटेडका लागि जाल्टन इब्राहिमोविचले ४२ औँ मिनेटमा सुरुवाति अग्रता दिलाएका थिए । तर त्यो अग्रता भने युनाइटेडले जोगाउन सकेन । खेलको ८९ औँ मिनेटमा मारोवान फेलाइनीले फल गरेपछि एर्भटनले पेनाल्टी पायो । पेनाल्टीलाई सदुपयोग गर्दै घरेलु टोलीले अन्तिम मिनेटअगाडि बराबरी गोल गर्न सफल भयो । युनाइटेडले आफ्नै गल्तीका कारण बराबरीमा रोकिन बाध्य भएको पनि मानिएको छ । म्यानचेस्टर युनाइटेडले १४ खेलबाट २१ अंक जोड्दै छैटौँ स्थानमा रहेको छ भने २० अंकका साथ आर्सनल आठौँ स्थानमा छ । युनाइटेडले प्रिमियर लिगका पछिल्ला तीन खेलमा बराबरी खेलेको छ ।

एभर्टन म्यानचेस्टर युनाइटेड