मंसिर २३ । नयाँ शक्तिका संयोजक तथा पूर्वप्रधानमन्त्री डा बाबुराम भट्टराईमाथि पोखरामा जुत्ता प्रहार भएको छ । जुत्ता प्रहार गर्ने सञ्जिव भट्टराई नाम गरेको विद्यार्थीलाई प्रहरीले नियन्त्रणमा लिएको छ । सञ्जिव भट्टराई पृथ्वीनारायण क्याम्पसका राजनीतिशास्त्र विषयमा स्नातकोत्तर दोस्रो वर्षमा अध्यनरत छन ।

क्याम्पस हातामा गरेको नयाँ शक्ति विद्यार्थी युनियनले नयाँ विद्यार्थीका लागि बिहीवार आयोजना गरेको स्वागत कार्यक्रममा बाबुराम प्रमुख अतिथि थिए । उनलाई ताकेर भट्टराईले जुत्ता प्रहार गरे पनि लाग्न पाएन । त्यसपछि उनले कालो झन्डा देखाउँदै बाबुरामविरुद्ध नाराबाजी गरेका थिए । घटनालगत्तै प्रहरीले भट्टराईलाई नियन्त्रणमा लिई इलाका प्रहरी कार्यालय बगरको हिरासतमा राखेको छ ।

जुत्ता प्रहारले केहीबेर बिथोलिए पनि स्वागत कार्यक्रम पुन सञ्चालन भएको थियो । घटना भएको र भट्टराईलाई नियन्त्रणमा लिइएको इप्रका बगरका प्रहरी निरीक्षक किशोर लम्सालले पुष्टि गरे ।

डा. बाबुराम भट्टराई नयाँ शक्ति