‘ओलिज स्टोर’ले भित्र्यायो क्यामेरामा नयाँ प्रविधि, अनलाइनमार्फत पनि बुकिङ गर्न सकिने
डीजेआई कम्पनी लगायतका विश्वका चर्चित कम्पनीका नयाँ नयाँ ब्रान्ड भित्र्यााउँदै आएको ‘ओलिज स्टोर’ले क्यामेरामा नयाँ प्रविधि भित्र्याएको छ । मंगलबार काठमाडौंकोमा आयोजना गरिएको पत्रकार सम्मेलनमा नयाँ प्रविधिका क्यामेराहरु सार्वजनिक गरिएको हो । स्टोरले नेपालमा एप्पललगायत विभिन्न ब्रान्डका जेनुइन ग्याजेट्स र एक्सेसरीज उपलब्ध गराउने भएको छ । नायक जीवन लुइटेल र नायिका बर्षा सिवाकोटीले संयुक्त रुपमा नयाँ क्यामेराको उद्घाटन गरे । नेपाली चलचित्र क्षेत्रका लागि आवश्यक पर्ने मल्टिकप्टर, ओज्मो क्यामेरा गियर, ओज्मो प्रो, प्यान्टम फोरलगायतका क्यामेरा स्टोरमा उपलब्ध हुने छन् । काठमाडौंको बबरमहलमा रहेको स्टोरका प्रोडक्टहरु ग्राहकले अनलाइनमार्फत पनि बुकिङ गर्न सक्ने छन् । चलचित्र क्षेत्रमा नयाँ प्रविधी भित्रिरहेकोले अव यो प्रविधीले उत्कृष्ट दृश्य पर्दामा देखाउन मद्दत गर्ने स्टोर संचालकको विश्वास छ । उपभोक्तामाझ उच्च गुणस्तरको जेनुइन स्पेयर पार्टस् उपलब्ध गराउनु कम्पनीको मुल उद्देश्य रहेको स्टोरले बताएको छ । सन् २००७ मा स्थापना भएको स्टोरले आइफोन, आइप्याड, म्याकबुकका कभर र केवल, अन्य ब्रान्डको स्मार्टफोनका स्पिकर, हेडफोन, एम्प्लिफायर, मिडिया प्लेयर, होम थिएटर स्पिकर, प्रोजेक्टरलगायतका जेनुइन स्पेयर पार्टस् उपलब्ध गर्ने गरेको छ । स्टोरले व्रान्ड प्रवर्द्धनका लागि फोटो पत्रकार क्लबका महासचिव श्रीधर पौडेललाई ब्रान्ड एम्ब्यासडरमा नियुक्त गरेको छ । पौडेलले ब्रान्ड एम्ब्यासडर नियुक्त भएपछि क्यामेरा छायांकारहरुलाई सरल तरिकाले उत्कृष्ट दृश्य कैद गर्न यी प्रोडक्टहरुले सहज बनाउने विश्वास व्यक्त गरे । DJI ओलिज स्टोर जीवन लुइटेल डीजेआई कम्पनी वर्षा सिवाकोटी
