करण जोहरको टेलिभिजन शो ‘कफी विथ करण’ मा अभिनेता आमीर खानले नयाँ रोचक रहस्य बाहिर ल्याएका छन् । आमीर जब आफ्नो रिलिजको क्रममा रहेको फिल्म ‘दंगाल’ का अन स्क्रीन छोरीहरु सान्या मलहोत्रा र फतिमा साना सैखसँग उक्त सोमा पुगे करणले उनलाई साधारण सल्लाह चाहिएमा कसको सहयोग लिने भनेर सोधे ।

जवाफमा आमीरले आफूले सल्लाहको लागि अभिनेता सलमान खानको सहयोग लिने गरेको बताए । सलमानले सधै टेडो र छिटो सल्लाह दिने भएकाले सलमानको सहयोग लिने गरेको उनले बताए ।

त्यस्तै अर्को प्रश्नमा करणले आर्थिक सल्लाह चाहिए कसलाई गुहार्ने भन्ने प्रश्न उठाए । जवाफमा आमीरले अक्षय कुमारको नाम लिए । अक्षयसँग्ग किन आर्थिक सल्लाह लिने भन्ने कुराको रहस्य ट्वींकल खन्ना आफैले पछिल्लो सोमा खोली सकेको आमीरले बताए । पछिल्लो सोमा ट्वींकलले अक्षयको अफिसको सेफ पैसा नै पैसाले भरिएको बताएकी थिइन् ।

एजेन्सी

Amir Khan