पुस ५ । कलाकारहरु रजनीतिमा जाने चाप अहिले बढ्दो छ । नायिका करिश्मा मानन्धर नयाँँ शक्तिमा, रेखा थापा र कोमल ओली राप्रपामा प्रवेश गरेसँगै विभिन्न चर्चा तथा परिचर्चा आए । त्यस्तै अर्की नायिका सरिता लामिछानेले पनि राजनीतिमा प्रवेश गरेकी छिन् ।

खबरअनुसार, सरिताले बुधबार नेपाली कांग्रेसमा प्रवेश गर्न लागेकी हुन् । कांग्रेस सभापति शेरबहादुर देउवाले सरीतालगायत रामकेशव बोगटी, रिस्ता बस्नेत, पुस्कर लामालगायतका कलाकारलाई बुधबार पार्टी प्रवेश गराउन लागेका हुन् ।  सभापति देउवा निवास बुढानिलकण्ठमा कार्यक्रमको आयोजना गर्दै उनीहरुलाई पार्टी प्रवेश गराउन लागिएको हो ।