एजेन्सी । अमेरिकाको चर्चित म्यागजिन फोर्ब्सले सलमान खानलाई सार्वाधिक कमाई गर्ने बलिउड अभिनेताको अग्रस्थानको सूचिमा राखेको छ । सलमानले एक वर्षमा २ अर्ब ७० करोड ३३ लाख भारु कमाई गरेको उल्लेख गरेको छ ।

हिसाब गर्दा सलमानको घण्टाको कमाई ३ लाख भारु हुन आउँछ । अघिल्लो वर्ष एक नम्बरमा रहेका अभिनेता शाहरुख खान यो पटक भने दोस्रो स्थानमा पुगेका छन् । उनको यो वर्षको कमाई दुई अर्ब २१ करोड ७५ लाग भारु रहेको छ ।

फोर्ब्सको सूचिअनुसार तेस्रो स्थानमा क्रिकेटर विराट कोहली रहेका छन् । उनको यस वर्षको आम्दानी एक अर्ब ३४ करोड ४४ लाख भारु रहेको छ । यसअघि भने कोहली सातौं स्थानमा थिए ।

अघिल्लो वर्षको सूचिमा पाचौँ स्थानमा रहेका अभिनेता आमिर खान यस वर्ष भने टप टेनमा पनि आउन सकेनन् । टप टेनको स्थानमा अक्षय कुमार, महेन्द्र सिंह धोनी, दीपिका पादुकोण, प्रियंका चोपडा, सचिन तेन्दुकर, अमिताभ वच्चन र ऋतिक रोशन रहेका छन् ।