पुस–१४ । म्यानचेस्टर सिटी तथा युनाइटेडका पूर्व स्ट्राइकर खेलाडी कार्लोस तेभेजले चाइनिज सुपर लिगको साङघाई सेनहुवाको लागि बिहीबार हस्ताक्षर गरेका छन् । साङघाईले बोका जुनियरसको लागि खेलिरहेका अर्जेन्टिनी खेलाडीसँग हस्ताक्षर गरेको छ । ४० मिलियन पाउण्डको सम्झौताको साथ हप्ताको ३ लाख १० हजार पाउण्ड तिर्ने भएको छ । क्लबले पनि उनी सधै उनीहरुकै साथ रहने भन्दै बधाई दिएका छन् । तेभेजले प्रिमियर लिगमा साथ वर्ष आबद्ध रहेर दुईटै म्यानचेस्टर क्लबबाट उपाधि पनि जितेका छन् । उनले सन् २००८ मा युनाइटेडबाट च्याम्पियन्स लिगको उपाधि जितेका थिए । र जुभेन्टसबाट दुई इटालियन च्याम्यिनसिप पनि जितिसकेका छन् । यसअघि डिसेम्बर २३ मा साङघाई एस्आईपिजीले चेल्सीबाट अस्कारलाई ६० मिलियन पाउण्डमा आबद्ध गराएका थिए ।

कार्लोस तेभेज चाइनिज सुपर लिग