पुस १५ । नेपाली महिला फुटबल टोली आज श्रीलंकासँग भिड्दै छ ।

भारतमा भइरहेको चौथो महिला साफ च्याम्पियनसिप अन्तर्गत नेपाली टोलीले समूह चरणको अन्तिम खेल श्रीलंकासँग खेल्दैछ । खेल दिउँसो २ बजे सिलीगुडीस्थित कंचनजंगा रंगशालामा हुँदैछ ।

समूह चरणका अन्य दुई खेलमा नेपालले भुटान र माल्दिभ्ससँग फराकिलो जित हासिल गरिसकेकोछ । दुवै खेलमा ६ अंक बटुलेको नेपालको सेमिफाइनल यात्रा यसअघि नै निश्चित भइसकेको छ ।

आजको खेल आफ्नो पक्षमा पारेर नेपाली टोली समूह विजेता हुने तयारीमा छ । श्रीलंकाले भने समूह चरणमा माल्दिभ्ससँग पराजित भएको थियो भने भुटानलाई २–० ले पराजित गरेको थियो ।