काठमाडाैँ ,३१,बैशाख नायिका सोनाक्षी सिन्हा नेपाल आइपुगेकी छिन् । काठमाण्डौको टुँडिखेलमा आयोजना हुन लागेको ‘अमरपन्छी’ कार्यक्रममा सहभागी हुन सोनाक्षी नेपाल आएकी हुन् ।

सैनिक श्रीमती संघले आयोजना गर्न लागेको ‘अमरपन्छी’ कार्यक्रमा सोनाक्षीसँगै बलिउड आइटम गर्ल मलाइका अरोरा खानले नृत्य गर्नेछिन् । तर, सोनाक्षी र मलाइका एक साथ नेपाल आएनन् । मलाइका अरोरा खान पनि आजै आउने कार्यक्रम छ, तर समय सार्वजनिक गरिएको छैन । सोनाक्षी दिउँसो त्रिभुवन विमानस्थमा ओर्लिएकी थिइन् । केही समयपछि भीआइपी कक्षबाट सोनाक्षी बाहिर निस्किइन् ।

सोनाक्षी बाहिर निस्कने वित्तिकै उनलाई गाडीमा राखियो । भूकम्प पीडितहरुको सहयोगार्थ सैनिक श्रीमति संघले भोली ३ बजेबाट टुँडिखेलमा भव्य कार्यक्रम गर्दैछ ।