नायक भुवन केसीको चलचित्र ‘ड्रिम्स’ युट्युवमा राख्न सम्झौता गरेको कम्पनी हाईलाइट्स नेपाल प्रालिबाटै पाइरेसी भएपछि पाइरेसी गर्ने २ जना पक्राउ परेका छन् ।

 

ईलाइट्स नेपाल प्रालिका कर्मचारी बिधान गुरुङ र पूर्व कर्मचारी चन्द्र नवजुलाई प्रहरीले बुधबार पक्राउ गरेको हो । नायक केसीले हाइलाइट्स नेपाल प्रालिसँग फिल्म युट्युवमा राख्नका लागि सम्झौता गरेका थिए । तर हाइलाइट्स नेपाल प्रालिबाट सार्वजनिक हुनु पहिले नै युट्युवमा आएपछि नायक केसीले प्रहरीमा उजुरी गरेका थिए । उजुरीपछि महानगरीय अपराध महाशाखाले उनीहरुलाई पक्राउ गरेको हो ।

 

करिब एक साता लामो अनुसन्धानपछि महाशाखाले पाइरेसी गर्नेलाई पक्राउ गरेको हो । प्रहरीका अनुसार गुरुङले उक्त फिल्म नवजुलाई दिएका थिए । नवजुले युट्युवमा फिल्म अपलोड गरेका हुन् । युट्युवबाट पैसा आउने भएकाले उनीहरुले त्यसरी गोप्य रुपमा फिल्म सार्वजनिक गरेको खुलेको छ । पक्राउ परेकालाई प्रहरीले प्रतिलिपि अधिकार संरक्षण ऐनअनुसार कारबाही गर्ने भएको छ । जसअनुसार ६ महिनासम्म कैद तथा एक लाख रुपैयाँसम्म जरिवाना हुन्छ । साथै पीडितको मागअनुार क्षतीपुर्ती समेत दिर्नुपर्ने प्रावधान छ । नायक केसीले एक करोड रुपैयाँ आफुहरुलाई घाटा भएको दाबी गरेका छन् ।

bhuwan kc Dream Movie Piracy