२९ जेठ । लिओनल मेस्सीको हृयाट्रिकको मदतमा अर्जेन्टिना कोपा अमेरिका कप फुटबलको क्वार्टरफाइनलमा पुगेको छ । शनिबार भएको खेलमा अर्जेन्टिनाले पानामालाई ५–० गोल अन्तरले पराजित गरेको छ । लगातार दोस्रो जितसँगै अर्जेन्टिना समूह चरण अन्तिम खेल अघि नै क्वार्टरफाइनलमा पुगेको छ । खेलको सातौं मिनेटमा अतामेन्डीले गोल गर्दै अर्जेन्टिनालाई सुरुवाति अग्रता दिलाए ।

खेलको ३१ औं मिनेटमा पानामा १० खेलाडीमा सिमित भयो । लगातार दोस्रो पहेलो कार्ड पाएका गोडोआई रातो कार्ड खाँदै मैदानबाट बाहिरिए । खेलको ६१, ६८ र ७८ औं मिनेटमा गोल गर्दे हृयाट्रिक पुरा गरे । खेलको अन्तिममा सर्जिओ एग्युरोले गोल गरेपछि अर्जेन्टिना ५–० को फराकिलो अन्तरले विजयी भएको छ ।

यस अघि मेसीलाई बेन्चमा राखेर खेलेको  खेलमा साविक विजेता चीलीलाई हराएको थियो ।

Copa