जेठ ३१ । ब्राजिल पेरुसँग पराजित हुँदै कोपाअमेरिका फुटबलको समूहचरणबाटै बाहिरिएको छ । सोेमबार बिहान भएको खेलमा पेरुसँग ब्राजिल १–० ले पराजित भएपछि कोपा अमेरिकाको समूहचरणबाटै बाहिरिएको हो । पेरुका लागि खेलको ७५ औँ मिनेटमा राउल मारियो रिउडियाजले गोल गरे । तर, त्यो गोल केहीबेर निकै विवादास्पद बन्यो ।

रिउडियाजले जोरमान पोलोले दिएको क्रस डियाजको हातमा लागेर गोल भएको थियो । उक्त गोललाई रेफ्रीले मान्यता दिएपछि केहीबेर ब्राजिलका खेलाडी र रेफ्रीबीच विवाद भएको थियो । ब्राजिलका खेलाडीले बल हेन्ड भएको भन्दै गोललाई मान्यता दिएको भन्दै विरोध गरेका थिए । विरोधपछि रेफ्रीले सहायक रेफ्रीसँगको छलफलपछि गोललाई मान्यता दिएपछि ब्राजिलियन समर्थक निराश बने । ब्राजिललाई हराएको पेरु समूह विजेता र इक्वेडर उपविजेता बन्दै क्वाटरफाइनलमा प्रवेश गरेका छन् । 

Copa