असार - १० । ललित स्मृति अन्डर एटिन फुटबल प्रतियोगीतामा झापा एघार र नेपाल आर्मी सेमिफाइनलमा प्रवेश गरेका छन । झापा सुदूरपश्चिमलाई र आर्मी नेपाल पुलिसलाई हराउँदै सेमिफाइनलमा प्रवेश गरेका हुन । सातादोबाटो स्थित एन्फा कम्प्लेक्समा भएको खेलमा झापा एघारले सुदूरपश्चिमलाई पेनाल्टी सुटआउटमा ३–१ गोल अन्तरले पराजित गरेको हो । निर्धारित समयमा १–१ गोलको बराबरी भएपछि पेनाल्टी सुटआउटबाट खेलको निर्णय गरिएको थियो । झापाका संजोग राई, बबिन बोहरा र प्रमोद चौधरीले गोल गरेका थिए । सुदूरपश्चिमका जीवन चौधरीले मात्र गोल गर्न सफल भए । दिपेन्द्र बुढा, सुनिल श्रेष्ठ र प्रजेशको प्रहार खेर गएको थियो । दोस्राे क्वार्टरफाइनलमा नेपाल आर्मी नेपाल पुलिस क्लबलाइ २–० पराजित गदै सेमिफाइनलमा प्रवेश ग¥यो । आर्मीका अरिक बिष्ट र दिनेश हेम्जनले गोल गरेका थिए । बिष्टले ४६औं र हेम्जनले ८७औं मिनेटमा गोल गरेका थिए । अब फाइनलमा प्रवेशका लागि झापा एघार र आर्मी भिडने छन । यस्तै दोस्राे सेमिफाइनलमा लुम्बिनी र संकट क्लब भिडनेछन ।