असार - १३ । जिएए र प्राइमले मोर्गन कप १२ औं महिला तथा १३ औं पुरुष राष्ट्रिय क्लबस्तरीय बास्केटबल प्रतियोगितामा जित हात पारेका छन् । बसुन्धारास्थित मोर्गन इन्टरनेसनल कलेजको कोर्टमा भइरहेको प्रतियोगिताअन्तर्गत आजको खेलमा पुरुषतर्फ जिएएले जेभियर इन्टरनेसनललाई ८५–६९ ले पराजित गर्यो । जिएएको जितमा विकास गुरुङले २२ अङ्क योगदान गरे । जेभियरका विनेश न्यौपानेले १८ अङ्क बटुले । पहिलो क्वार्टरमा १९–१४ को अग्रता लिएको जिएएले दोस्रोमा पनि अग्रतालाई कायम राख्दै २५–१५ अङ्क जोड्यो । जिएए तेस्रोमा १६–१७ ले पछि पर्यो भने चौथोमा पुनः २५–२३ को अग्रता हासिल गर्यो । महिलाको राउन्ड लिगमा प्राइमले जेभियरलाई ३५–१८ ले सहजै हरायो । प्राइमकी लुनिभा सिंहले १२ स्कोर गरिन् । जेभियरबाट साइना मगरले ८ अङ्क जोडिन् । प्राइमले पहिलोमा ९–६ र दोस्रोमा ६–० को प्रदर्शन ग¥यो । त्यस्तै प्राइमले तेस्रोमा ८–१० र चौथोमा १२–२ अङ्क जोड्यो । रासस

Basketball Nepal