कलाकार र पत्रकारबीच पटक पटक विवाद भइरहने गर्छ । हालै अभिनेत्री सृष्टी श्रेष्ठ पत्रकारसगँ विवादमा आएको खबर अहिले गसिप बनिरहेको छ । सृष्टीले आफ्नै गृहनगर चितवनमा गाजलुको टिमले गरेको पत्रकार सम्मेलनमा पत्रकाले सोधेको प्रश्न चित्त नबुझेर जवाफै फर्काइनन् । दोस्रो सातामा फिल्मको थप प्रचार होस् भन्दै गाजलु टिमले चितवनमा प्रेस मिट गरेको थियो ।

त्यसक्रममा एक रंग पत्रकारले मिस नेपाल भइसकेपछि त्यहि प्रशंशालाई क्याच गरिरहौँ भनेर फिल्म खेल्नुभएको हो भनेर प्रश्न सोधे । उक्त प्रश्नले सृष्टी रिसाइन् । उल्टो उनले पत्रकारलाई तपाईले मेरोबारेमा के रिसर्च गरेर आउनुभएको छ, मलाई यो प्रश्न गर्नु अगाडि मैले के पढेको हो भनेर थाहा छ ? पहिला रिसर्च गर्नु तब मात्र प्रश्न गर्नु भन्दै प्रतिप्रश्न गरिन् ।

पत्रकारसगँ रिसाउने र झप्पड हान्ने विषयलाई लिएर अभिनेत्री रेखा थापा पनि अग्रपन्तिमा आउने गर्छिन् । उनको पनि बेलाबेलामा पत्रकार सगँ रिसाएको खबर सुनिरहन पाइन्छ । यति मात्र नभएर केहि अभिनेत्रीले पत्रकारलाई ज्यान मार्ने धम्की समेत दिएका छन् । चलचित्र लुटले ५१ दिन मनाएको दिनमा राखिएको पार्टीमा तस्विर खिच्न लाग्दा नायिका निशा अधिकारी अनुप भट्टराइसगँ रिसाइन् । त्यहि रिसको झोकमा उनले अनुपको हातबाट क्यामरा खोसिन् । त्यसपछि उनीहरुबीच केहि भनाभन भएको थियो । विवादले चर्को रुप लिन लागरेको देखेर त्यहाँ उपस्थित सबैको ध्यान उनीहरुतर्फ खिचिएको थियो तर पछि भने निशाले आपसी समझ्दारमा अनुपसगँ माफी मागेकी थिइन् ।

अभिनेत्री सुमिना घिमिरे र पत्रकार विजय आवाजबीच पनि २०६९ सालमा विवाद भएको थियो । आफ्नो बारेमा प्रकाशित समाचारका कारण सुमिनाले विजयलाई फोन मार्फत छाडा शब्दमा गाली गर्नुका साथै ज्यानमार्ने धम्की दिएको भन्दै पत्रकार महासंघले प्रेस विज्ञप्ती पनि जारी गरेको थियो ।

अभिनेता सुरज गौतम र पत्रकार श्याम सुन्दर गिरी बीच पनि विवाद भएको थियो । अभिनेता सुरजले पत्रकार गिरिलाई भौतिक कारबाहि गर्ने धम्की दिएका थिए । नेपाली कलाकारहरु अमेरिका जाने र उतै बस्ने गरेका कारण यस्तो अवस्थालाई कसले रोक्ने भनेर लेखिएको गसिपका कारण अमेरिकाको टेक्सासमा रहेका सुदर्शनले समाचार आफूलाई चित्त नबुझेको र केहि घण्टामा समाचार नसच्चाए ज्यान मार्ने धम्की दिएका थिए ।

अभिनेत्री प्रियङ्का कार्कीको भित्री वस्त्र देखिएको तस्विरहरु सार्वजनिक भएपछि प्रियङका र अनलाइन पत्रकारहरुबीच विवाद भएको थियो । फोटोसप गरि आफ्ना भित्री वस्त्रहरु देखिएका फोटोहरु सार्वजनिक गरेको भन्र्दै अनलाइन पत्रकारहरुसगँ रिसाएकी प्रियङ्काले फेसबुकमा लेखेका स्टाटसहरुले पाि विवादको रुप लिएका थिए ।

अभिनेत्री शिल्पा पोखरेलको इन्गेजमेन्टको खबर केही समग अघि गसिप बनेको थियो । इन्गेजमेन्टको खबरलाई नकारेकी शिल्पा पोखरेलले केहि किस गरेका फोटोहरु प्रकाशित गरेर इन्गेजमेन्ट भएको हुन सक्ने कुरा प्रकाशित गर्दा पत्रकार उत्सव रसाइली समस्यामा परेका थिए ।

Sristi Shresta