असार - २५ । गत बर्ष गिनिज बुकमा नाम लेखाएका कान्छो निर्देशकको दोस्रो फिल्म आउने पक्का भएको छ । रेकर्डमा संसारकै कान्छा निर्देशकको रुपमा नाम लेखाउन सफल ८ बर्षिय निर्देशक सौगातको यो फिल्म आफ्नै होम प्रोडक्सनमा बन्ने छ । यसअघि ’लभ यु बाबा’ नाममा पारिवारिक फिल्म निर्देशन गरेका उनले पहिलो फिल्मबाट वाहि वाहि मात्र पाएनन् । संसारकै कान्छा निर्देशकको नाम पनि लेखाउन सफल भए । अभिनेता गजित बिष्टका पुत्र सौगातको दोश्रो प्रोजेक्टको नाम ’हैरान’ दिईएको छ । फिल्मले पारिवारिक कथा बोल्ने बताईएको छ । फिल्मको कलाकार हरुको छनौट भईसकेको छैन । हैरानको निर्माताको रुपमा सम्झना पोखरेल गजित बिष्ट रहनेछन ।

Hairan Saugat Bista