अबदेखी फेसबुक प्रयोगकर्ताहरुले  छिट्टै ४५ वटा भाषाकाे प्रयाेग गर्न सक्ने  भएका छन । फेसबुकले एउटा यस्तो सफ्टवेयर विकास गरिरहेको छ, जसले फेसबुक प्रयोगकर्ताहरुले आफ्नो पोष्ट विभिन्न भाषामा अनुवाद गर्न सक्नेछन् । यो सफ्टवेयरले तपाईँको पोष्ट कुनै पनि ब्यक्तिले पढ्न चाहेमा उक्त भाषामा पढ्न पाउने गराइदिनेछ । यसका लागि तपाईँले गरेको पोष्ट लेखेपछि फेसबुकमा उल्लेख भएको भाषामा गई भाषा छनोट गर्न सक्नु हुन्छ । उक्त ४५ भाषाको लिष्टमा फ्रेन्च भाषादेखि फिलिपिनो तथा लिथुआनिया भाषासमेत सामेल छ । फेसबुकले यो नयाँ फिचरलाई हाल एक सानो ग्रुपको रुपमा परीक्षण गरेको छ । फेसबुकका अनुसार अहिलेसम्म यो फिचरको प्रयोग ५ हजार फेसबुक पेजद्वारा प्रयोग गरिएको छ । ती फेसबुक पेज ब्यवसायिक रहेका थिए । छिट्टै नै यस फिचरलाई दोस्रो प्रयोगकर्ताको लागि शुरु गर्न लागिएको जनाइएको छ ।