विभिन्न अवसरले पछ्याउनेछन्। आकस्मिक लाभ हुनेछ। उत्साहवर्द्धक समाचार सुन्न पाइनेछ। मानसम्मान पाउनुका साथै प्रशस्तै आम्दानी बढ्नेछ। आयआर्जनका स्रोतसमेत बढ्नेछन्। जीवनसाथीको सहयोगले थप लाभ र आनन्द मिल्नेछ। परिवारजनमा आत्मीय भाव र विलासिता बढ्नेछ। प्रेम र मित्रताको बन्धन कसिने बेला छ। प्रतिस्पर्धीलाई परास्त गर्न सकिनेछ। नोकरीमा पदोन्नति र पढाइलेखाइमा पनि प्रगतिको समय छ। गरेका कामहरूको धेरैले प्रशंसा गर्नेछन्। कृषि, पशुधनबाट पनि मनग्य लाभ मिल्नेछ। भोगविलासमा मन रमाउनेछ। उच्च महत्वाकांक्षाले केही हानि हुन सक्छ, सचेत रहनुहोला।

विभिन्न अवसर आए पनि समयमा निर्णय लिन नसक्ता पछि परिनेछ। सरकारी कामकाजमा विलम्ब हुनेछ। अरूको भरपर्दा काम बिग्रन सक्छ। घरखर्च बढ्नुका साथै व्यापारमा पनि केही मन्दी आउला। जीवनसाथीको स्वास्थ्यमा कमजोरी देखापर्न सक्छ। प्रयत्न गर्दा महिनाको तेस्रो साताबाट स्थितिमा सुधार आउनेछ। सुखदुःखमा साथ दिनेहरू भेटिनेछन्। शुभचिन्तकहरूको हौसलाले चुनौतीका पहाड चिर्ने हिम्मत जाग्नेछ। आस मारेको कामले पनि उत्साह जगाउनेछ। व्यापार–व्यवसायमा लगानी बढाउन सकिनेछ। रमाइला ठाउँको भ्रमण गर्ने मौका जुर्न सक्छ। रोकिएका काममा दोहोर्याएर प्रयत्न गर्नुहोला, फाइदा हुनेछ।

केही चुनौती देखिए पनि महिनाको सुरुवात लाभदायक रहनेछ। भौतिक साधन जुट्नाले काममा फाइदै हुनेछ। हिम्मतले काम लिन सकिनेछ। साझेदारी तथा सगोलको सम्पत्तिमा भने विवाद आउन सक्छ। पेटको गडबडीले स्वास्थ्यमा पनि कमजोरी देखा पर्नेछ। आत्मीय सम्बन्ध फटाउनेहरू सक्रिय हुनेछन्। व्यवसायमा अलि मन्दी आउने देखिन्छ। परिवारजनमा असमझदारी बढ्न सक्छ। प्रतिस्पर्धीहरूले आफ्ना कमजोरीको फाइदा उठाउन सक्छन्। बुद्धिको उपयोगले अघि बढ्नेहरूलाई भने फाइदा हुनेछ। सन्तानको बारेमा केही चिन्ता बढ्ने ग्रहयोग छ। महिनाको उत्तरार्द्धमा आफन्तबाट टाढिने परिस्थिति आउला।