साउन - ३ । इंग्ल्यान्डका युवा क्रिकेटर एनाइरन डोनाल्डोले सबैभन्दा छिटो दोहोरो शतक बनाउने भारतका रवी शास्त्रीको कीर्तिमान बराबरी गरेका छन् ।
इंग्ल्यान्डका १९ वर्षीय क्रिकेटर डोनाल्डोले इंग्ल्यान्डको पहिलो श्रेणीको क्रिकेट प्रतियोगिता काउन्टी च्याम्पियनसिपका दौरान उक्त किर्तिमान बनाएका हुन् । काउन्टी च्याम्पियनसिपमा डिभिजन टु ग्लेमोर्गन क्लबका डोनाल्डले डर्बिशायरसंगको खेलमा १ सय २३ बलमा दुई सय रन बनाएर किर्तिमान कायम गरेका हुन् ।
सन् १९८५ मा मुम्बईका रवी शास्त्रीले बारोडाविरुद्ध १ सय २३ बलमा दोहोहो शतक बनाएका थिए । डर्बिशायरसंगको खेलमा डोनाल्डले १ सय ३६ बलमा १५ छक्का र २६ चौकाको मद्दतमा दुई सय ३४ रन बनाएका थिए ।
Donald
