नेपाली सिनेमा जगतमा एक्सन मानियामा आफ्नो छुट्टै पहिचान बनाउन सफल अभिनेता बिराज भट्ट एकाएक फिल्म इन्डस्ट्रिबाट हराएका थिए । लगभग पाँच वर्षको अन्तराल पछि बिराजको नेपाली सिनेमा जगतमा कमब्याक भएको छ । उनको फिल्म ‘जय परशुराम’कोे ट्रेलर सार्वजनिक भएको छ । पछिल्लो समय भोजपुरी फिल्ममा व्यस्त रहँदै आएका बिराज ‘जय परशुराममा’ साउथ शैलीमा प्रस्तुत हुनेछन् । साउन २८ गते रिलिज हुन लागेको फिल्मलाई रोज राणाले निर्देशन गरेका हुन् । लामो समयपछि कमब्याक गरेका बिराज भन्छन् ’सायद दुई बर्ष ढिला भयो कमब्याक गर्न ।’ आफ्नो स्टारडमा अहिले पनि ताजै रहेको कुरा उनले बताए । यही फिल्ममा बिराज भट्टसँग अनस्क्रिनमा अभिनेत्री निशा अधिकारीले जोडि बाँधेकी छिन् ।  

Biraj Bhatta Nepali Flim Parshuram