तत्कालिन संचारमन्त्री जेपी गुप्तालाई भ्रष्टचार ठहर गर्ने फैशला गरेपछि प्रधानन्यायाधीश सुशीला कार्कीलाई ज्यान मार्ने धम्की आएको खुलेको छ । प्रधानन्यायाधीश कार्कीका श्रीमान दुर्गा सुवेदीले नयाँ पत्रिकालाई दिएको अन्तरवार्तामा पत्नीको ज्यान लिने धम्की आएको खुलाशा गरेका हुन् । न्यायाधीश छँदा कार्कीले बहालवाला मन्त्रीलाई जेल फैशला सुनाएकी थिइन् । नेपालको इतिहासमा नै बहालवाला मन्त्री भ्रष्टचारी ठहर भइ जेल चलान भएको सो घटना पहिलो थियो । सो फैशलापछि कार्कीले विराटनगर बस्दै आएका पति र छोरालाई काठमाडौं बोलाएको सुवेदीले जनाएका छन् । उनले नयाँ पत्रिकामा दिएको अभिव्यक्ति यस्तो छ । न्यायाधीस हुदाँ म छोरा विराटनगरमै थियौ, त्यतिबेला आठ अजार दिनुहुन्थ्यो । अहिले १० हजार दिनुहुन्छ । छोरो स्कुल पढिरहेको थियो, उसलाई पनि हेर्नु थियो । उहाँले जेपीको भष्ट्राचारसम्बन्धी मुद्दा दिएपछि ‘तपाईलाई यो धर्तीमा हिड्नु छैन’ भन्नेसम्मका धम्की आए । उहाँ एक्लै बस्ने कुरा गर्ने मान्छे पनि नहुदाँ आत्तिनुभयो पनि होला । मलाई फोन गरेर ‘फूलमाला चढाउन मात्रै आउने हो, के त्यस्तै ईच्छा राख्नुभएको हो ।’ भनेर हुकुमकै शैलीमा आउन भन्नुभयो । अनि, यतै आइयो । उहाँको कति बैङक ब्यालेन्स छ, मैलै सोधेको पनि छैन उहाँले बताउनुभएको पनि छैन । पैसाको विषयमा ठूलै किचलो भएको त छैन । तर, उहाँलाई नसोधी मैले खर्च गर्दा रिसाउनुहुन्छ । तैपनि, मलाई के लाग्छ भने, यो संसारमा महिलालाई फूलजत्तिकै सुन्दर बनाइएको छ । हाम्रो समाज पितृसत्तात्मक छ, त्यही सोचअनुसार पुरुषले महिलालाई डोमिनेट गरेको हुन्छ । तर, हाम्रा धर्मग्रन्थमा त्यस्तो छैन, महिलालाई सम्मान दिएको छ । जस्तो भगवान् राम र सीताको नाम लिदाँ सीताराम भनिन्छ । हाम्रो घरमा पनि त्यस्तै हो, सीताराम हुन्छ । उहाँले चुरोट, रक्सी केही खानुहन्न । उहाँको पिताजी रक्सीकै कारण चाडैँ बित्नुभयो । त्यसको प्रभाव पनि होला, उहाँ छुदै छुनुहुन्न । म पहिला किसुनजी, शेरबहादुर देउवासगं बसेर रक्सी खान्थे, अहिले खान छोडिदिए । किसुनजीले धेरै माया गर्नुहुन्थ्यो, घरेलु ऐलादेखि ब्रान्डेड उच्चस्तरिय रक्सी खाइयो । म रक्सी खाएको दिन सकभर उहाँको अगाडि पर्दैनथेँ । बाबुसगं सुत्थेँ । बाहिरबाट आउदा उहाँले मुख सुघ्नुहुन्थ्यो । खाएको छ भने मुख गनाएको छ यहाँ बस्ने होइन भन्नुहुन्थ्यो । खाएको छु भने बाबुलाई पनि उचालिदिने, उसले पनि गाली गर्ने । राजनीति फेयर भएन, मनी मसल, चाहिने नैतिकताको कुनै अर्थ भएन । अनी बिरक्त भएर छोडिदिए । उहाँले राजनीतिक मान्छे नभेट्नु भन्नुहुन्छ । तर, मैले भेट्छु । भेटेर बिग्रने होईन, उनीहरुको स्वार्थअनुसार काम पो नगर्ने हो त ।    

Jp Gupta Sushila Karki सुशीला कार्की