साउन – ११ । चर्चित मोबाइल गेम पोकेमन गेमको लोकप्रियता अहिले विश्वमानै चुलिएको छ । यो मोबाइल गेमको लोकप्रियतामा मानिसहरु यति झुम्मिरहेका छन् की कतिपय देशहरुमा त यो गेम बन्द गर्न समेत माग उठेको छ । मानिसहरु यो खेलप्रति यति धेरै पागल हुन थालेका छन् की दुई दाजुभाइ यो गेम खेल्दै अमेरिका पुगेको पत्तै पाएनन् । केही दिन पहिले एक जना महिला पोकेमन गेम खेल्नका लागि रुखमा चढेको भन्ने खबर आएको थियो । अहिले चाहीँ दुई दाजुभाई यो गेम खेल्दै क्यानडाबाट थाहै नपाई अमेरिका पुगेको समाचार छ । अन्तराष्ट्रिय एजेन्सीहरुअनुसार ती दुई क्यानेडाली दाजुभाइ पोकेमन खेल्दै पत्तै नपाइ देशको सीमा नाघेर अमेरिका पुगेका थिए । अमेरिकी सीमा सुरक्षा बलका जवानहरुले गस्तीका दौरान यी दुईजनालाई गिरफ्तार गरेका हुन् । त्यस बखत दुबै जना आफ्नो मोबाइलमा पोकेमनमा नै मस्त थिए । उनीहरु दक्षिण क्यानडाको अल्बर्टा प्रान्तबाट अमेरिकाको मोन्टानामा प्रवेश गरेका थिए र उनीहरुलाई क्यानडाबाट अमेरिका छिरेको पत्तै थिएन । सुरक्षा कर्मीहरुले उनीहरुलाई नियन्त्रणमा लिएर पछि सामान्य सोधपुछ गरी उनीहरुको आमालाई जिम्मा लगाएको थियो ।

Game Pokemon