बलिउडमा शुन्यबाट संघर्ष गरेर आफूलाई स्थापित गराउने थुप्रै छन् । उनीहरू बिना कसैको आशिर्वाद, आफ्नो मेहेनत र निरन्तरको प्रयासबाट सफल भएका छन् । टिभीका चर्चित कलाकार रोनित रोय कुनै समय बलिउडका स्टार आमिर खानका बडिगार्ड थिए । रोनितले २ वर्षसम्म आमिर खानको बडीगार्ड भएर काम गरेका थिए ।

रोनित हाल अभिनेताका रूपमा चिनिए पनि उनले आफ्नो पुरानो कामलाई भने छोडेका छैनन् । उनी हाल सुरक्षा कम्पनीका मालिक रहेका छन् । उनी ‘एस सेक्यूरिटी एण्ड प्रोटेक्सन एजेन्सी’ नामक कम्पनीका मालिक हुन् ।

उनको सो कम्पनीले बलिउड हस्तिहरू अमिताभ बचन, सलमान खान, शाहरुख खान तथा मिथुन चक्रवर्तीलाई सुरक्षा दिने गर्छ । आमिरलाई अहिले पनि उनकै कम्पनीका सुरक्षाकर्मीले सुरक्षा प्रदान गर्ने गर्छन् ।

Ronit Roy