साउन - १५ । नायिका रेखा थापाको पछिल्लो चलचित्र ‘पलाँस’को टिजर रिलिज गरिएको छ । टिजरमा उनको भुमिका प्रस्ट नखुलाईकन सस्पेन्समा राखिएको छ । कृषा चौलागाइको निर्माणमा तयार भएको यो चलचित्रलाई सुवास कोइरालाले निर्देशन गरेका हुन् । चलचित्रमा रेखा थापा, अयुव केसी र कामेश्वर चौरासिया मुख्य भूमिकामा छन् । चलचित्रको प्रदर्शन मिति पनि टिजरसँगै सार्वजनिक गरिएको छ । तिहारमा चलचित्र रिलिज हुने जानकारी निर्मात्री कृषा चौलागाइले दिएकी छिन् । टिजरमा कुनै पनि संवाद राखिएको छैन । टिजर हेरेरै नायिका रेखा थापाको भूमिका के हो भनेर सहजै अनुमान लगाउन सकिदैन । चलचित्रमा कविराज गहतराजको कोरियोग्राफी, सानु कुमार महर्जनको एक्सन, सुवास कोइरालाको कथा, उज्जवल ढकालको सम्पादन, अर्जुन पोख्रेलको संगीत छ । तराइका विभिन्न स्थानमा छायांकन गरिएको यो चलचित्रको कथावस्तु उत्कृष्ट रहेको र ट्रेलरमा नायिका रेखा थापाको भूमिका खुलाउने बताईएको छ ।