स्पेनको एट्लेटिको म्याड्रिडले कोस्टालाई अनावश्यक पछ्याउन थालेपछि इङ्लिस क्लब चेल्सीले कडा चेतावनी दिएको छ । कोस्टालाई सन् २०१४ मा चेल्सीले ३ करोड २० लाख पाउन्ड खर्चेर एट्लेटिकोबाट पश्चिम लन्डनमा भित्र्याएको थियो । तर, पछिल्लो केही समय यता एट्लेटिकोले आफ्नो क्लबमा कोस्टालाई फर्काउन कोसिस गरिरहेको छ । यस विषयमा चेल्सीले दुई पल्ट स्पेनीस क्लबलाई आधिकारीक जानकारी दिएर आफ्नो असन्तुष्टी जाहेर गरिसकेको छ । उसले अब पनि कोस्टामाथि अनावश्यक इच्छा जनायो भने अन्तर्रािष्ट्रय फुटबल महासंघ (फिफा)मा उजुरी गर्ने बताएको छ । २७ वर्षीय कोस्टाले चेल्सीका लागि पछिल्लो २ वर्षमा ५६ गोल गरिसकेका छन् ।

chelsea player chelseako kheladi costamathi