साउन १६ । हालै स्विडेनको राजधानीमा एक महिला प्रहरीले बिकिनीमा रहेको अवस्थामा समेत चोरलाई पक्रेर प्रशंसा बटुलेकी छिन् । विदाको दिनमा स्टकहोमको एउटा पार्कमा साथै घुम्न गएकी उनी बिकिनीमा रमाइरहेकी थिइन् । तर जब एकजना चोरले उनको मोबाइल चोर्यो तब उनी तत्कालै चोर विरुद्धको एक्सनमा उत्रिइन् । वास्तवमा सुकुम्बासीले प्रकाशन गरेको पत्रिका बेच्न भन्दै एकजना पुरुष उनीहरु भएको ठाउँमा आएको थियो । त्यो मानिस केही बेर त्यहाँ बस्यो र खुसुक्क उनीहरुको मोबाइल चोरेर लग्यो । तर त्यो चोर १५ मिटर पर पुग्दा नपुग्दै उनीहरुले मोबाइल चोरी भएको थाहा पाए । मिकेला केल्नर नामकी ती महिला प्रहरी दौडिँदै गएर चोरको चेँपुमा समातिन् र ढलाइहालिन् । उनले आफु नाङ्गै अवस्थामा रहेको भएपनि चोरलाई समातेको बताइन् । चोर भाग्न प्रयास गर्दैथियो तर केल्नर र उनकी अर्की एक महिला प्रहरी साथीले जोडसँग समाते र थिचे । चोरको खल्तीमा उनको मोबाइल फोन भेटियो । चोरलाई गस्तीमा रहेको प्रहरीले पक्राउ गर्यो । केल्नरको इन्स्टाग्राम पेजमा उनको बिकिनी लगाएको अर्धनग्न शरीरले एकजना पुरुष चोरलाई भुइँमा घोप्टो पारेर थिँचिरहेको फोटो अपलोड भएसँगै त्यो भाइरल बन्यो । उक्त फोटोमा अहिलेसम्म हजारौँ लाइक प्राप्त भैसकेका छन् ।

bikini police intertainment