असार - १८ । बलिउडकी डिम्पल गर्ल दिपिका पादुकोणको सबैभन्दा ठूलो सपना चकनाचुर भएको छ । अब उनको हलिउडका सुपरस्टार भनेर चिनिने टमक्रुजसँग कास्ट हुने सपना साकार नहुने भएको छ । एक रिपोर्टका अनुसार केही दिन पहिले दिपिकाले आफ्नो सेकेन्ड हलिउड प्रोजेक्ट पाउनको लागि टम क्रुज स्टारर फिल्म ‘द ममी’ को लागि अडिसन दिएकी थिइन् । एशियन प्रिन्सेस रोलका लागि अडिसन दिएकी दिपिका सकारात्मक उत्तरको अपेक्षामा थिइन् । तर यसको ठिक विपरित भयो । यससँगै उनको ‘द मिशन इम्पोसिबल’ नायकसँग कास्ट हुने दिपिकाको सपना नराम्रोसँग टुट्यो । टम क्रुजसँग काम गर्नको लागि मात्र भएपनि उनले फिल्ममा निकै सानो रोलका लागि पनि अडिसन दिएको थिईन । उक्त फिल्मको अडिसन दिने दिपिका मात्र एक्ली बलिउड नायिका भने होइनन् । उनीसँगै हुमा कुरैशीले पनि यहि रोलको लागि अडिसन दिएकी थिइन् तर उनको हालत पनि दिपिकाकोभन्दा फरक भएन ।

bollywood dipika padukon hollywood