जल देखि पल शाहले गरे आफ्नो नाम परिवर्तन, किन आफ्नो वास्तविक नाम लुकाउंछन कलाकार
सिनेमाक्षेत्रका चितपरिचित व्यक्तिहरुको वास्ताविक नाम जान्नुहोस् । केहि चर्चित कलाकारहरुले सिने क्षेत्रमा प्रवेश गरेपछि आफ्नो वास्ताविक नाम परिवर्तन गरेका छन् । नायिका करिश्मा मानन्धरको वास्ताविक नाम बुनु केसी हो । एक्सन अभिनेतको रुपमा परिचित निखिल उप्रेतीको वास्ताविक नाम हो दिनेश उप्रेती तर पछि उनले नाम बदलेर निखिल बनाए । फिल्ममा निखिल नाम उनलाई निकै फाप्यो । उनको नागरिताको नाम भने दिनेश उप्रेती हो । एक्सन स्टार मानिने अभिनेता विराज भट्टको वास्ताविक नाम भोजराज भट्ट । भोजपुरमा जन्मिएका विराज अहिले भोजपुरी गीतमा व्यस्त छन् ।
नायिका झरना थापाको वास्ताविक नाम धेरै कमैलाई थाहा होला । उनको वास्ताविक नाम हो कमला थापा । अभिनेत्री पूजा चन्दको वास्ताविक नाम पनि पूजा चन्द होइन । सुरज चन्दसगँ विवाह गरेर चन्द बनेकी पूजाको नाम हो राधिका परियार । अभिनेत्री जल शाहको पूरा नाम जल शाह कर्मचार्य थियो तर उनी मात्र जल शाहको नामले परिचित छिन् । अभिनेता रमित ढुङ्गानाको वास्ताविक नाम राधेश्याम ढुङ्गाना हो । उनी पछि आर.डि ढुङ्गानाको नामले पनि चिनिन्थे तर अहिले रमित ढुङ्गाना भनेर नै चिनिन्छन् ।
चकलेटि नायक आर्यन सिग्देलको वास्ताविक नाम हो हरिस सिग्देल तर उनको हरिस नाम परिवारमा मात्र सिमित रहन पुग्यो । फ्यानहरुबीच उनी आर्यन नामले नै परिचित छन् । नायिका गरिमा पन्तको वास्ताविक नाम कमला पन्त थियो । पछि उनले बदलेको नामले नै उनलाई चिनायो । आज उनी गरिमा पन्तको नामले नै परिचित छिन् ।
अभिनेत्री मेलिना मनन्धरको पनि वास्ताविक नाम मेलिना मानन्धर नभएर सुनिता मानन्धर हो । अभिनेत्री नन्दिता केसीलाई पनि फेरेको नामले निकै फाप्यो । उनको वास्ताविक नाम शोभा केसी हो । अभिनेत्री युना उप्रेतिले त्यति धेरै फिल्ममा काम गरेकी छैन तर पनि उनी चर्चित छिन् । उनले काम गरेको एक दुईवटा फिल्मले नै उनलाई चिनाएको छ ।उनको वास्ताविक नाम यमुना उप्रेती हो ।
नेपाली फिल्म उद्योगदेखि लिएर भारतिय टेली सिरियल समेतमा काम गरेकी अभिनेत्री उषा पौडेलको वास्ताविक नाम हो रुक्मणि पौडेल । फिल्म जेरीबाट चललित्रमा प्रवेश गरेकी आना शर्माको वास्ताविक नाम अन्नपूर्ण शर्मा हो । अभिनेता विरेन श्रेष्ठको वास्ताविक नाम विरेन नभइ विरेन्द्र श्रेष्ठ हो । विभिन्न म्युजिक भिडियो मार्फत चर्चित भएका र पछिल्लो समय नाइ नभन्नु ल ४ चलचित्रमा अभिनय गरेका मोडल तथा नायक पल शाहको वास्ताविक नाम पूर्ण बहादुर शाह हो ।
