साउन १९ । विश्वकप उपविजेता अर्जेन्टिनाको राष्ट्रिय फुटबल टोलीको प्रशिक्षकमा एडुगार्डो बाउजा नियुक्त भएका छन् । बाउजा यसअघि ब्राजिलको क्लब साओ पाउलोमा आबद्ध थिए । कोपा अमेरिका सेन्टेनारियोलगत्तै जेरार्डो मार्टिनोले राजीनामा दिएपछि अर्जेन्टिनाको प्रशिक्षक पद रिक्त थियो । पछिल्लो तीन वर्षमा अर्जेन्टिना कोपा अमेरिकामा दुई पटक र विश्वकपमा एकपटक फाइनलसम्म पुगे पनि उपाधिबाट विमुख भएको थियो । विश्वकपको फाइलनलमा आफ्नो टोली जर्मनीसँग १ – ० गोलले पराजित भएपछि अलेजान्द्रो साबेलाले अर्जेन्टिनाको प्रशिक्षक पद छाड्नु परेको थियो । पछिल्लो समय उपाधि जित्न नसकेकै कारण प्रशिक्षकहरूले अर्जेन्टिनाको पद छाड्नु परेको छ । ५८ वर्षीय बाउजाका लागि अहिले धेरै चुनौती छन् । स्टार स्ट्राइकर लियोनल मेसीले गत कोपा अमेरिकाको फाइनलपछि अप्रत्याशित रूपमा अन्तर्राष्ट्रिय फुटबलबाट संन्यास लिएका कारण अर्जेन्टिनामा यी स्ट्राइकरको अभाव खड्कनेछ । उनको प्रशिक्षण जीवन भने सन् १९९८ देखि सुरु भएको थियो । आफूले तीन सयभन्दा बढी खेल खेलेको रोसारियो सेन्ट्रलबाटै उनले आफ्नो व्यावसायिक प्रशिक्षण जीवन सुरु गरेका थिए । अर्जेन्टिनाले सिनियर अन्तर्रा्ष्ट्रिय फुटबलमा सन् १९९३ यता कुनै पनि ठूला उपाधि जित्न सकेको छैन

adugardo bauja arjentina sports