साउन २२ । चितवनबाट काठमाडौँ जाँदै गरेको ना५ख ९२०६ नं को ट्रक र काठमाडौँबाट चितवनतर्फ जाँदै गरेको ना३च ६२०९ नं को बोलेरो पृथ्वी राजमार्गको मलेखुमा आज एकापसमा ठोक्किँदा दुई जनाको मृत्यु भएको छ । इलाका प्रहरी कार्यालय गजुरीका प्रहरी निरीक्षक प्रकाश जगेवुका अनुसार मृत्यु हुनेमा चितवन निवासी बोलेरोका सहचालक साफेज चौधरी र सप्तरी जिल्ला निवासी ६५ वर्षीय मणिप्रसाद गुप्ता रहेका छन् । बोलेरो चालक विवेक रोइला घाइते भएकाले उपचारका लागि काठमाडौँ पठाइएको छ । तीव्रगतिमा गुडेको बोलेरोले ट्रकलाई ठक्कर दिएपछि दुर्घटना भएको प्रहरीले जनाएको छ । रासस

Chitwan mirtu