एजेन्सी– लियोनल मेस्सीले अन्तर्राष्ट्रिय फुटबल खेल जीवनबाट संन्यास घोषणा गरेको दुई महिनापछि उनी अर्जेन्टिनाका लागि वर्ल्ड कप छनोट टिममा परेका छन् ।

२९ वर्षीय मेस्सीले कोपा अमेरिकाको फाइनलमा चिलीसँग पराजय भोगेपछि संन्यासको घोषणा गरेका थिए, जसले गर्दा अर्जन्टिना नौ वर्षमा पनि मुख्य खेलमा उपाधि जित्न असफल रह्यो । चिलीसँग पराजय भोग्दा उनी पेनाल्टी सुटआउटमा चुकेका थिए । तर, बार्सिलोनाका स्ट्राइकर रहेका उनले देशको मायाले गर्दा यू–टर्न गर्नुपरेको बताएका छन् । उरुग्वे र भेनेजुएलाविरुद्ध सेप्टेम्बर सुरुमा अर्जेन्टिनाले विश्व कप छनोट खेल खेल्ने बताइएको छ ।