साउन ३० । आयोजक ब्राजिल पुरुष फुटबलको सेमिफाइनलमा प्रवेश गरेको छ । रियो ओलम्पिक अन्तर्गत फुटबलमा आइतबार भएको क्वाटरफाइनलमा कोलम्बियालाई २–० ले हराएर अन्तिम चारमा पुगेको हो । ब्राजिलको जितमा कप्तान नेइमार र लुआनले एक एक गोल गरे । नेइमारले यो ओलम्पिकमा पहिलो गोल गरेका हुन् । यस्तै नाइजेरियाले पनि डेनमार्कलाई २–० ले नै हराएर अन्तिम चारमा पुगेको छ । जर्मनीले पोर्चुगललाई तथा होन्डुरसले दक्षिण कोरियालाई हराएर अन्तिम चारमा आएका छन् । अब सेमिफाइनलमा ब्राजिलले होन्डुरस तथा नाइजेरियाले जर्मनीसँग खेल्नेछ ।

brazil football