भदौ - ४ । जमैकाका धावक उसेन बोल्टले रियो ओलम्पिकमा तेस्रो स्वर्ण पदक जितेका छन् । यससँगै उनले लगातार तीन ओलम्पिकमा तीन स्वर्णको कीर्तिमान बनाएका छन् । रियो ओलम्पिक अन्तर्गत शनिबार बिहान भएको पुरुष ४ गुणा एक सय मिटर रिलेमा बोल्ट रहेको जमैकाको टिमले स्वर्ण पदक जितेको हो । उनले यसअघि एक सय मिटर र दुई सय मिटरमा स्वर्ण पदक जितिसकेका थिए । बोल्ट तीन वटा ओलम्पिकमा तीन स्पर्धामा तीन स्वर्ण पदक जित्ने पहिलो खेलाडी बनेका छन् । उनले यसअघि पनि सन् २००८ को बेइजिङ तथा सन् २०१२ को लण्डन ओलम्पिकमा पनि एक सय मिटर, दुई सय मिटर र ४ गुण एक सय मिटर रिले अर्थात तीन वटै स्पर्धमा स्वर्ण पदक जितेका थिए ।

usein bolt