भदौ – ४ । शुक्रबार राति भएको इंग्लिस प्रिमियर लिगको आफ्नो खेलमा म्यानचेस्टर युनाइटेडले लगातार दोस्रो जित दर्ता गरेको छ । दोस्रो खेलमा म्यानचेस्टर युनाइटेडले साउथह्यामप्टनलाई २–० ले हरायो । युनाइटेडको जितमा दुवै गोल यही सिजन क्लब आएका जाल्टन इब्राहिमोविचले गरे । युनाइटेडको घरेलु मैदान वल्ड ट्राफोर्डमा भएको खेलमा इब्राहिमोविचले ३६ औं मिनेटमा कप्तान वायने रुनीको पास र ५२ औं हाफमा पाएको पेनाल्टीको अवसरलाई सदुपयोग गर्दै इब्राहिमोविचले युनाइटेडलाई २–० को जित दिलाए । बोर्नमाउथसँगको पहिलो खेलमा पनि इब्राहिमोविचले एक गोल गरेका थिए । उनले युनाइटेडका लागि अहिलेसम्म चार गोल गरिसकेका छन् । लिसेस्टर सिटीलाई हराएर कम्युनिटी सिल्डको उपाधि युनाइटेडलाई दिलाउने क्रममा पनि इब्राहिमोविचले गोल गरेका थिए ।

football ibrahim