एजेन्सी– बलिउड अभिनेत्रीहरुको शरिरलाई देखेर मोहित नहुने सायदै कम होलान् । उनीहरु चाहेको समयमै आफूले चाहेको फिगर बनाउन सफल हुन्छन् । केहि समयमै शारीरिको बनावटमा फरक ल्याउनु सानोे कुरा होइन । कडा मेहनत र परिश्रमले उनीहरु आफ्नो शरीरलाई ‘फिट’ राख्छन् । उनीहरुको आकर्षित शरिरमा नै मिहेनत झल्किएको प्रस्टै देखिन्छ ।

कतिपय अभिनेत्रीहरु समय मिल्यो भने जहाँ पनि एक्सरसाइज गर्न पछि पर्दैनन् । हालै नायिका आलिया भट्टले सामाजिक सञ्जाल इन्सटाग्राममा अर्की नायिका कट्रिना कैफसँग स्विमिङ पुलमा ‘पुस अप’गरेको भिडियो भाइरल बनेको छ । आलिया र कट्रिनाले सुटिङका क्रममा अमेरिका पुग्दा एक स्विमिङ पुलमा ‘पुस अप’ गरे । त्यसलाई भिडियो बनाएर आलियाले इन्स्टाग्राममा राखिदिइन् । इन्सटाग्राममा राखिएको उक्त भिडियो चौबीस घण्टा नपुग्दै लाखौँले हेरिसकेका थिए । उक्त भिडियोमा उनीहरुले २० पटक ‘पुस अप’ गरेका छन् ।