भदौ–६ । आइतबार राति संसारकै सबैभन्दा तीव्र गतिका धावक उसेन बोल्ट ब्राजिलकी २० वर्षीया छात्रा जेड डुआर्टेसँग ओछ्यानमा समातिएका छन् । ३० औं जन्मदिन मनाएका बोल्ट रंगीन जीवनको पट्टाक्षेप भएको छ । बिहानैदेखि उनी रियोको बारा डे टिजुका क्लब पुगेका थिए । डे ब्राकोस अल्र्बेटास क्लबमा पनि मस्ती मार्दै गरेको भेटिए । बोल्टसँग बिताएको समय क्यामेरामा उतारेकी डुआर्टेले ‘वाट्स एप्प’ मार्फत सार्वजनिक गरेकी छिन् । बोल्टको जमैकामा नै २६ वर्षीया प्रेमिका भएको उनकी दिदीले हालै सार्वजनिक गरेकी थिइन् । कासी बेनेट नाम गरेकी जमैकन सुन्दरीसँग विगत २ वर्षदेखि बोल्टले ‘डेटिङ’ गर्दै आइरहेका छन् । बोल्ट आफ्नी प्रेमिकालाई ‘फस्र्ट लेडी’ भनेर सम्बोधन गर्छन् । तर यो घटनाले उनको बस्न लागेको घर उजाडिने सम्भावना बढेर गएको छ । तर, आफूसँग नग्न अवस्थामा ओछ्यानमा रहेका बोल्टले गालामा चुम्बन गरेको तस्बिर डुआर्टेले सार्वजनिक गरेपछि यसले तरंग ल्याएको हो । बोल्ट महिलासँग आपत्तिजनक अवस्थामा भेटिएका यो पहिलो घटना भने होइन् । उनी थुप्रै पल्ट यस्तो अवस्थामा पक्राउ परिसकेका छन् । रियो ओलम्पिकमै उनी साँझ एक स्थानीय केटीसँग उत्तेजक नाच नाचिरहेको अवस्थामा भेटिएका थिए । बोल्ट ओलम्पिकको समापन समारोहमा उपस्थित भएनन् । उनी साँझ नै जमैकातर्फ लागेका थिए ।

Rio Olympic usein bolt