भदौ–६ । म्याग्दीको बेनी दरबाङ सडकखण्ड अन्तर्गत बाबियाचौर –५ लाम्पाटामा सोमबार बा १५ च ३८६९ नम्बरको ट्याक्सी दुर्घटना हुँदा पाँचजना घाइते भएको जिल्ला प्रहरी कार्यलय म्याग्दीले जनाएको छ । दुर्घटनामा परी दरबाङ–३ का ३१ वर्षका चालक तेजेन्द्र जुग्जाली, अर्मन–२ की ५५ वर्षकी जगमति किसान, ८ वर्षकी रेखा किसान, १९ वर्षकी सिर्जना किसान, रुम–९ की १९ वर्षकी मुस्कान रोका र १७ वर्षकी यमुना विक घाइते भएको म्याग्दीका प्रहरी नायव उपरीक्ष विश्वराज खड्काले बताए । अनियन्त्रित भई सडकदेखि झण्डै २ सय मिटर तल खसेको ट्याक्सी दुर्घटनामा घाइते भएकाहरुको अहिले म्याग्दी जिल्ला अस्पतालमा उपचार भैरहेको छ ।

road accident Taxi Accident