एजेन्सी– ‘कन्फिडेन्ट’, ‘डेमी’, ‘डोन्ट फर्गेट’जस्ता एल्बमकी अमेरिककी प्रतिक्षित गायिका डेमी लोभाटोलाई संगीत चोरी गरेको आरोपमा मुद्धा लागेको छ । लोभाटोको सन् २०१५ को चर्चित गीत ‘स्टार्स’ इण्डी ब्यान्ड ‘स्ले बेल्स’ले २०१० को आफ्नो गीत ‘इन्फिनिटी गिटार’बाट प्रभावित भएको आरोप लगाउँदै मुद्धा हालेको हो ।

ती दुई गीत उस्तै सुनिने र ताली, ड्रम, आदिको ताल एउटै भएको स्ले बेल्सले दाबी गरेको छ । चोरीको आरोप लागेपछि लोभाटोले अब कस्तो प्रतिक्रिया दिन्छिन भन्ने कुरा चर्चाको विषय बनेको छ । अघिल्लो वर्ष लोभाटोको ‘स्टार्स रिलिज’ हुदैँ गर्दा स्ले बेल्सले ट्वीट गरेर आफ्नो संगीतबाट नमूना लिएर पनि आफूसँग सम्पर्क नगरेकोमा गुनासो गरेको थियो ।

पछिल्लो समय पनि केही मानिसहरुले लोभाटोको ‘कुल फर द समर’ गीत पनि केटी पेरीको ‘आइ किस्ड अ गर्ल’बाट प्रेरित भएको आरोप लगाएका थिए, जसलाई उनले अस्वीकार गरेकी थिइन् ।

Demi