भदौ–९ । बुधबार राति सकिएको दोस्रो एकदिवसीयमा श्रीलंकाले अष्ट्रेलियालाई ८२ रनको फराकिलो अन्तरले हराएको छ । यससँगै पाँच एकदिवसीय श्रृंखलामा १–१ को बराबरी भएको छ ।
कोलम्बोमा टस जितेर पहिले ब्याटिङ गरेको घरेलु टोलीले ४८.५ ओभरमा सबै विकेट गुमाएर २८८ रन बनायो ।
यसक्रममा २६ वर्षे अष्ट्रेलियन बलर फल्कनरले हृयाट्रिक विकेट लिए । यससँगै उनी एकदिवसीय क्रिकेटमा ह्याट्रिक विकेट लिने छैटौं अष्टे«लियन बलर बनेका छन् ।
२८९ रनको विजयी लक्ष्य लिएर मैदान उत्रिएको अष्ट्रेलियाले ४७.२ ओभरमा सबै विकेट गुमाएर २०६ रन मात्र बनाउन सक्यो । श्रीलंकाका अमिला एपोन्सोले ४ विकेट लिए भने थिसरा परेराले ३ विकेट आफ्नो नाममा लेखाए ।
srilanka cricket team
