भदौ – १० । श्रीकृष्ण जन्माष्टमी पर्वको शुभ अवसरमा नेपाल मानव धर्म सेवा समिति गोदावरी धर्मटार (दमाईटार)ले महान् सत्संग समारोह सम्पन्न भएको छ । उक्त समारोहमा स्थानीय र पुजारीकाे उपस्थितिमा प्रभातफेरी कार्यक्रम पनि सम्पन्न भएकाे छ । कार्यक्रममा आत्मानुभवी सन्त महात्माहरुद्वारा शास्त्र, प्रमाणित सत्संग, प्रवचनका साथै कृष्ण चरित्र झल्किने नाटक सहित विविध सांस्कृतिक कार्यक्रम प्रस्तुत गरेका थिए । कार्यक्रममा गोदावरी नगरपालिका प्रमुख रोम बहादुर महतले यस धर्मटारबाट गोदावरी नगरपालिकामा अध्यात्म जागरण भई नगरलाई शान्त र सम्वृद्घ बनाउन सकिने साथै बास्तविक धर्मको प्रचार हुने कुरा व्यक्त गरे । केन्द्र प्रमुख महात्मा चमेली वाईजीले समाज राष्ट्र र विश्वमा बसुदैव कुटुम्बकम् र शान्ति स्थापना गर्न आत्मज्ञानबाट मात्र संभव रहेको विचार राखिन् । कृष्ण जन्माष्टमीको अवसरमा स्थानिय ज्येष्ठ नागरिकहरुलाई सम्मान, निःशुल्क स्वास्थ्य शिविर, शिक्षा अभियान लगायत विभिन्न सामाजिक क्रियाकलापहरु पनि गरिएको थियो ।

Dharam Tar Godawari krishna janmastami